Tîyatroyê Şaristanî yê Amedî yo ke janê rîyê Korona ra  girewte bi, pê kayê 'Don Kişot'î yê Miguel de Cervantesî agêreno.Promîyerê kayî ewro saete 19.00 de qezaya Kayapinarî de Tîyatroyê Amedî de do bêro kerdene. 

Îdarekarê kayî Ferhad Feqî yo Kay de kaykerdoxî Ozcan Ateş, Şahabettîn Dag, Berfîne Emektar, Dîcle Guneş Yavuz, Ozkan Şener û Şîlane Alagoz ca gênê.

Ozcan Ateşî ard ziwan ke  înan 5 serrî yo waştêne Don Kişot kay bikerê. Ateşî vat: ''Karakter Don Kişot hîkayeyanê şovalyeyan waneno û keweno rayîrêk. O wazeno vera zulmî hetê bindestan de ca bigêro. Ma 29-30ê hezîrane de nê kayî mojnenê, aşmêke ra dima zî vejenê turne. Îstanbul, Adana, Îzmîr, Mersîn û Anqara de girseyê ma estê. Ma wazenê şorê Ewropa zî.  Janê Korona de ma vindertî. Ma sezonê neweyî de kayanê neweyan seyrkerdoxanê xo rê pêşkêş bikerê. Ma vera janî tedbîrê xo girewtî. Seyrkerdoxî eşkenê pê zerrîya rehete bêrê kayanê ma.'' 

Dima ke 2016 de ŞAredarîya Amedî rê qeyûm ame tayînkerdene Salona Tîyatroyê Şaristanî yê Şaredarîye (DBŞT) ameye qefilnayene. Qeyûmî xebatkarê tîyatroyî karî ra vetî. Nê xebatkaran 2017 de Tîyatroyê Şaristanî yê Amedî na ro û xeylêk kayî pêşkêşê seyrkerdoxan kerdî.