Vizêr şaristanê Kerkûkî yê Başûrê Kurdîstanî de pêramotişê resiman ê seba kêna û lajanê Kerkûkî ame akerdene. Pêramotiş bi şîarê 'Ver bi demokrasî' hetê Rêxistina Vîyane ra ame serûberkerdene.

Berpirsê Rêxistina Vîyane Aheng Enwerî derheqê pêramotişî de ajansê ma rê qisey kerd û vat: ''Ma seba 15 laj û kênayanê ressaman no pêramotiş akerd. Seba ke nika Iraq de weçînayîşî estê ma xo rê na cumle sey şîar girewt. Ma pê kêfweş ê ke xeylêk kênayê Kerkûkî beşdarê pêramotişê ma benê.''

Ahengî peynîya qiseykerdişê xo de îfade kerd ke ê pê nê pêramotişî xîret kenê ke rîyê rindî yê demokrasî bimojnê şarê Kerkûkî.