Têgêrayîşê Kulturê Cinîyan ê Kevana Zêrîn a PAJKî Şehîdê Kultur û Hunerî yê 11ê Gulane bi eşkerayîyêke yad kerdî.

Eşkerayîye wina ya:

''Menga gulane menga şehîdan a, destanê çêrîye na menge de nusîyenê. Şehîdanê şorişgêran na menge de pê gonîya xo awe daye na menge û wina gulê gulane abîyî. Bi wesîleya serrgêra şehadetê embaze Mizgîne ma pêro şehîdan bi rêzdarî yad kenê. Sere de şehadetê Hozane Mîzgîne, Hakî Karer, Halîl Çavgun, Mehmet Karasungur, Îbrahîm Bîlgîn na menge Kurdîstan de bîye bingeyê cuya newîye. Na menge de de Şîrîn Elemhulî, Ferzad Kemanger, Ferhat Wekîlî, Alî Heyderyan û Mehdî Îslamiyan ameyî dardekerdene. Metodê şehîdkerdişê înan tersê dişmenî eşkera kerd. Mîrasê şehîdan ê şorişgêra sey çemêkî herikîyeno.

11ê gulana 1992î de embaze Hozane Mizgîne binê ablûqaya dişmenî de têkoşîn û fedayîtîye mojnaye ma. Hozane Mizgîne bi nê hawayî bîye kesayetêka raybere û hunermende û wayîra ziwan û kulturê xo vejîyaye. Embaze Mizgîne vera qirkerdişê kulturelî de tewirêko tarîxî ya. Ewro pêro Kurdîstan de deyîran, şîîran û kilaman de rêçê aye esto. Aye vera dişmenî pê şerê xo huner aferna.Ewro bi hezarann Mizgînî cepheyê azadîye de şinê û şexsê Hozane Mizgîne de fermandarîya şer û hunerê azadîye kenê pîl.

Bi wesîleya 11ê gulane 'Roja Yadkerdişê Şehîdanê Kultur û Hunerî' ma sey teqîbkerdoxanê Mizgîn, Sefkan, Sîpan, Sarya, Berçem, Xelîl, Delîla, Ronahî û Yektayan qerardarîya berzkerdişê têkoşîn û hunerê azadîye danê. Sere de pêro hunermendê Kevana Zêrîn û roşnvîrî na venga pero hunermendan danê ke pê tewirê derwêş û zanyaran bibê veng û temsîlê kulturê cuya azade. Huner pê têkoşînî xemilîyeno. Ma pêro şehîdanê menga gulane, bi taybetî Şehîde Mizgîne Hozane (Gurbete Aydin) reyna pê nasnameyê cinîya gerîla ya hunermende yad kenê û rîyê xo verê pêro şehîdan de anê war.''