Koma Stêrkî ya domanan a ke şaristanê Kielî yê Almanya de kar kena, mabênê semedê Korona ra dima newe ra dest pê xebatan kerd. Domanan roja yewşemeyî bi marşanê kurdkî dest pê xebatan kerd. Domanan dima pîya mamostaya kome Xezale Yilmaz  reyde deyîrê kurdkî vatî û dima zî govend girewt.

Xezale Yildiz da zanayene ke ê pê kêfweş ê le wextêkê dergî ra dima kom bîyî û vat: ''Ma xeylêk cayanê dinya de vejîyenê sehne. Ma armanc kenê ke domananê xo pê kulturê xo pîl bikerê.''

Xezale Yilmaz ard ziwan ke ê babetanê ziwan, tarîx, govend, edebîyat, muzîkî de xebatan kenê û venga  her kesî da ke wayîrê kulturê kurdan  vejîyo, vera polîtîkayanê asîmîlasyonî domananê xo bierşawê dibistananê kurdkî.

Kombîyayîşê domanan bi muzîk û govendan qedîya.