Bermale Çem bi wesîleya serrgêra 11. ya Şorişê 19ê Temmuze klîbê 'Henasa Şoreşê' vet.  Bermale Çem ard ziwan ke bingeyê hîs, deyîr û berhemî şorişî ra yeno û coka aye deyîra xo dîyarîya pêro şehîdanê Şorişê Rojawanî kerda.

Bermale Çem îfade kerd ke aye waşta ke wextê vejîyayîşê deyîre û serrgêra şorişî yew bibo û derheqê deyîre de wina vat: ''Şorişê Rojawanî pêro dinya rê bîyo mîsal. HPG, YPG, YPJ û şarê ma no şoriş kerd. Mi zî waşt ke bi rayîrê deyîra xo hîsanê xo bîyara ziwanî. No şoriş bingeyê pêro hîs, deyîr û berhemanê ma yo û şorişê şehîdanê ma yo. Serrgêra 11. ya Şorişê 19ê Temmuze de ez deyîra xo dîyarîya pêro şehîdanê Rojawanî kena.

Qiseyê deyîre hetê Medya Doz ra ameyî nuştene, muzîkê ci hetê Bermale Çem ra ame kerdene û aranjman zî hetê Hadî Morardîyî ra ame kerdene.