Bajarê Kolnî yê Almanya de vizêr saetanê şanî de semedê paştdayîşê kampanyaya Abdullah Ocalanî rê Azadîye  bi tewrbîyayîşê 17 resaman  pêramotişê Amara ame akerdene ke do heta roja yewşemeyî akerde bimano.

Pêramotiş de esereê Sînan Hezer, Asli Filiz, Sarya Nurcan Kaya, Amele, Hogir Ar, Ribwar Rawizî, Hamit Aydin, Serdar Mutlu, Gulîstane Guntekin, murad Îpek, Ilos Ilyas Elias Kirhan, Besna Acu, Bêrîvane Îbîn û Ayten Kaplan yenî ramojnayene.

Hogir Arî  ard ziwan ke înan waşt bi xebata xo ramojnê ke hunermendê kurdan zî mîyanê nê têkoşînî de yê û vat: ''Eke Rayberîye û heme embazê zîndanan bibê azad ma zî benê azad.''

Asli Fîlîz vat aye cehd kerd kerd bi tabloyanê xo cinî, kultur û ziwanî vejo werte û vat: ''Mi tabloyanê xo de waşt vajî  eke şima wazenê ziwan û kulturî bidê ciwîyayene ganî şima cinî bide ciwîyayene.''

Resam Sînan Hezarî semedê pêramotişê Amara nizdê hîrê mengan xebitîya û resamî artî têhet. Hezarî qiskeykerdişê xo yê akerdişê pêramotişî de nê vatî: ''Ma tecrîdê serê Rayberîye erjna û na babete de Amara de ameyî têhet. Zerrîya ma Amara de erzena. Amara semedê ma cayê komelbîyayîş, azadîye û sembolbîyayîşê estbîyayîşê ma yo. Seba ke zafê înan ciwanî 17 resamî projeyê winayênî de ameyî têhet no semedê ma zaf muhîm û bêmana yo.''

Pêramotişê Amara do rojanê şeme û yeweşemeyî mabênê saetanê 13:00-18:00 de akerde bimano.