Koma Şehîde Vîyane Soran pabesteyê Têgêrayîşê Hîlala Zêrîne ya. Kome govendanê çar parçeyanê Kurdîstanî pêşkêş kena. Koma Şehîde Vîyane Soran bi pêşkêşkerdişê performansanê xo û kulturê kurdan hîs û têkoşînê govende îdare kena.

Kome 2017 de Efrîn de ameye awankerdene. Îdarekara Koma Şehîde Vîyane Soran Zeynebe Îbo ajansê ma rê qisey kerd û da zanayene ke îşxalê Efrînî ra dima înan xebata xo kirişta Şehba.

Zeynebe vat: ''Hêverî 14 endamê ma est bîyê. Bêguman Şehba de ma xeylêk zehmetîyan de têrî yenê. Hetêkî ra şertê koçberîye û hêrişî, hetê bînî de ambargo. La rixmê ney zî ma perwerdeyê govende danê û şayîyanê sey 8ê Adare û Newroze de performansê xo nîşanê şarê ma kenê. Her parçeyê Kurdîstanî ra govendî tedeyîya ma de est ê. Ma nika amadekarîye kenê ke 6ê êlule de Festîvala Şehîde Berceme de, Kobanê de vejîyê sehne ser.

Pêro cinîyê ke kome de cagêbê wayîrê îradeyî yê. Ma bi hêzê xo vejîyenê sehne ser û govendanê Kurdîstanî pêşkêş kenê. Hetê bînî ra bi govenda xo ma hêzê xo yê cinîyan yew kenê. ''