Koma Berxwedanî ra seba diznayîşê MHP’yî reaksîyon
Koma Berxwedanî seba ke MHP’yî muzîkê deyîra înan a bi nameyê “Bihuşta Cîhanê” seke deyîra xo ya weçînitişî ya xebitana ya reaksîyon da.
Koma Berxwedanî eşkerayîyêda nuştekî daye û vat ke her wextê weçînitişî de tifaqo faşîst ê AKP-MHP’yî seba rayanê şarê Kurdî û mûxalefetî bigêro, heme zext û hîleyan keno xo ver û cehd keno ke îqtîdarê xo dewam bikero.
Eşkerayîye de ame vatene ke,“MHP yo faşîst û nîjadperest, deyîra ‘Bihuşta Cîhanê Kurdistan' a ke albûmê “Amed” yê Koma ma de ca gêna diznaya, ke vate û muzîkê na deyîre yê hevalê ma Seyîdxanî yo û no albûm serre 1991’î de vejîya. Faşîstan Esera 'Bihuşta Cîhanê Kurdistan' dizna û hetê deyîrbazêde rîsîyayê hunermendan ra sey deyîra weçînitişî ya MHP’yî daya wendêne û bi kar kenê. Şarê ma û dostê ma yê muzîkperweran nê dizdî karî ser o pêgirewtê.
No keso ke kar û barê ey dizdî ya, hetê şarê ma ra û pêroyî ra yeno zanayene. Deyîra “'Ölürüm Türkiyem' zî hetê MHP’yê nîjadperestî ra weçînitişanê verênan de sey deyîra weçînitişî ameybîye xebitnayene û na deyîrd zî deyîra ‘Datê dayê’ ya ke hetê muzîsyenêde Cizîra Botanî ra serra 1987’î amebîye vatene ya.
Albumê Koma Berxwedanî yo ke serra 1991’î de vejîyayo ra deyîra “Bihuşta Cîhane”:
