Komê govende yê Kiel, Bremen, Hamburg, Lubeck, Celle, Salzgitter û Lerte yê Almanya Bremen de kom bîyî ke nê komî binê sîwana TEV-ÇANDî de xebatanê xo kenê. Beşdarê koman ê ke ciwan û domananê 6-18 serran ra yenê pê, keyeyanê xo reyde tewrê aktîvîte bîyî.

Sêwana 10 sere ya ke eslê xo de Wêranşarî ra ya, şaristanê Verdenî ra ameye û seba komanê govende dahol dana piro. Sêwane ard ziwan ke di serrî yo a ha dahol dana piro û vat: ''Ez zaf kêfweş a ke ameya tîya.''

Silêman Rengîno ke mamostayê muzîkî yo û 26 serrî yo surgun de yo vat: ''Seba ke ma kulturê kurdkî tim gandar verdê ma nê aktîvîteyan kenê.''

Ozgur Comertî zî aktîvîte de deyîrî vatî.

Aktîvîte pê govendan qedîyaye.