Komeleya Edebîyatkaranê Kurdan a ke hetê 7 nuştoxanê kurdan ra ameyebî ronayene akerdişê ci ame kerdene. Xeylêk edebîyatkar, sîyasetmedar û îdarekarê sazîyanê komelê sivîlî û komeleyan tewrê akerdişî bîyî.

Hemserekê  Komeleya Edebîyatkaranê Kurdan Hogir Berbir o ke akerdişê komele de qisey kerd vist vîrî ke badê halo îstîsnayî (OHAL) komeleya nuştoxan ameye qefilnayene û vat: ''Berê ma her kesî rê akerdeyo. Ma pêro pîya semedê ziwanê xo çîyo ke destê ma ra bêro, ma do bikerê. Seba ziwamê ma çi hewce keno do bêro kerdene.''

Hemserekê  Komeleya Edebîyatkaranê Kurdan Sultane Yaray zî vat: ''Ma do pêro pîya xebatanê edebîyatê bihêz bikerê. Her çikas ma bi hewt kesan komele akere zî ma do hêza xo şima ra bîgêrê û pîya na xebate rayra bêrê.''

Badê akerdişî sanik û şîîrî ameyî goştarîkerdene û dengbêjan deyîrî vatî.