Komîteya TEV-ÇANDî ya PKKyî serrgêra 29. ya şehadetê ci de şehîde Mizgîne pê eşkerayîyêke yad kerde.

Eşkerayîye wina ya: 

''Ma serrgêra 39. ya şehadetê ci de embaze Mizgîne bi rêzdarî û minetî yad kenê, hesret û hêvîya aye tim têkoşînê ma de do biciwîyê, hesreta aye ya azadîye heta pê serkewtişî tacîdar nêba ma sozê têkoşînî danê. Şehîde Mizgîne şehîd Yekta û şehîdê ma yê bînî yê kultur û hunerî sey temsîlkaranê xeta têgêrayîşê ma yê kultur û hunerî ameyî îlankerdene. Roja şehadetê embaze Mizgîne 11ê gulane  sey  Roja Şehîdan ameye îlan kerdene.

Embaze Şehîde Mizgîne pê şîarê 'Komelbîyayîş sebebê estbîyayîşê hunerî yo, xoperestîye zî huner û hunermend kişena' pêro xoperestîyî mehkum kerdî, mîyanê têkoşînî de bîye wayîra cayêkê girîngî. Şehîde Mizgîne bîye temsîlkara manaya vateyê 'Êyê ke şer kenê benê azad, azad benê rind benê, rind benê yenê heskerdene' yê Rayber Apoyî. 

Şehîde Mizgîne pê kesayetê xo yê rengînî rayîrê ma roşnî kena, bena çimeyê ma yê îlhamî. A girêdayeya şar û welatê xo bîye. A bîye pê veng û hunerê xo yê rşatikênî hunermenda mîsal a. Berhemê ‘Çemê Hêzil’, ‘Gundino Hawar’ û xeylêk deyîrê bînî yê Şehîde Mizgîne ma reyde ciwîyenê.

Şehîde Mizgîne 1962 de dewa Bilêyderî ya Êlihî de dadîya xo ra bîye, hema ke qij bîye têkoşînê azadîye yê kurdan şinasna û tewra ci bîye, xeylêk waran de xebitîyaye. Darbeya 12ê Êlule ra dima Vakur de tewra karî bîye, zîndanan de embaz Mazlûm Doganî zîyaret kerd, seba ke teberî reyde têkilîye virazo kuryetîye kerde. Dima Ewropa de tewra karanê kultur û hunerî bîye. Şehîd Sefkanî reyde awankerdişê Hune-Kom û Koma Berxwedan de ca girewt. Embaze Mizgîne Ewropa ra derbazê warê Serekîye bîye û perwerde dî.

Embaze Mizgîne perwerdeyî ra dima derbazê welatî bîye û bi coşî têkoşîn kerd. A bîye fermandara yewîne ya têkoşînî û eyaletê Mêrdinî de kar kerd, derbazê xeta Garzanî bîye. Uca de şarî reyde têkilîyêka xurte ronaye. 11ê gulana 1992î de şerêkê vera artêşa tirke ya îşxalkere de heta guleyê xo yê peyênî şer kerd û tewra karwanê şehîdan bîye. Şehîde Mizgîne pê şehîdbîyayîşê xo mezgê şarî de cayêko pîl girewt. Nameyê ci dîya bi hezaran domananê kurdan û vengê ci tesîrê ciwanan ê kurdan kerd.

Ma embaze Şehîde Mizgîne bi rêzdarî û minetî yad kenê, ma do cuye û îmtîhanê xo yê têkoşînî de, xebatanê xo yê kultur û hunerî de, cuya xo ya şorişgêre de aye bikerê mîsal.''