Konfederasyonê Cimatanê Kurdistanijan ê Almanya (KON-MED) eşkerayîyêka nuştekîye weşanaye û nê çîyî vatî; “Cimatê Êzidîyan ê Kurdî yo ke cimatanê tewr kehan ê Rojakewtena Mîyanêne ra yo, seba ke bawerîya xo bi azadîye biciwîyo û bireso rojanê ke qet nêno astengkerdene, ewro bajarê Almayan Bîelefeldî de Festîvala Kulturî ya Êzdîyan a 1'ine yena viraştene. Bi ruhê têkoşînê azadîye û xoverdayîşê Êzidxan ê Şengalî beşdar bibê.

Cimatê Êzidîyan xeylî rojê zor û bidejî dî. Na festîvale rixmê Fermanê 73’ine yo ke Şengal nêteriknayo, seba awankerdişê cimatêkê xoserî û azadî xo ver ro dayo û seba newe ra awankerdişê Şengalî biba wesîlaya agêrayîşê bi hezaran Êzidîyanê ke bîyê koçber.

Ma KON-MED sere de federasyonê ma yê Almanya, hemserekê meclîsan, heme sazgehê bawerîye, cinî, ciwan û heme endamê sazgehan do beşdar bibê. Seba ke 1'ine ya Festîvala Kulturî ya Êzdîyan bajarê Bîelefeldî yê Almayan de bi bernameyêkê kulturî yê dewlemendî bêra viraştene, bi ruhê têkoşînê azadîye û xoverdayîşê Êzidxan ê Şengalî ma vengdayîşê beşdarbîyayîşî û wayîrvejîyayîşî kenê.”