Koyê Şengalî ke herêma Serdeştî ya Şengalî de yo bi wesîleya Êzidîyanê ke 3’ê Tebax a 2014’î de hêrişê çeteyanê DAÎŞ’î de ameybî qetilkerdene pêramotişê resimî ame organîzekerdene.

Pêramotişo ke bi serkêşîya Yewîya Ciwanan ê Êzidîyan (YCÊ) û Yewîya Cinîyan ê Ciwanan ê Êzidîyan (YJCÊ) ame organîzekerdene de koç, şer, dej û zehmetîyê ke Êzidîyan ante û resimê şerwananê xoverdayoxan ca girewtî. Pêramotiş rastê eleqedarîyêka pîle ya hemwelatijan ame. Seba kesanê ke pêramotişî zîyaret kerdî Koyê Şengalî de sînevîzyonêk ke qalê qirkerdişî kerdêne ame ramotene.