Tarîxê şarê kurdî tarîxêko zaf kahan  û zengîn o. Vera hêrişan û qirkerdişan kurdan tim xo ver da û pawitişê xo kerd. Dewirê nikayênî de hêrişê giranî vera kurdan yenê kerdene labelê heta nika kulturê kurdan ganî mend. Bi taybetî mabênê gerîlayanê YJA-Starî û HPGyî de deyîrê dengbêjîye wayîrê cayêkê zaf girîngî yê. Coka nê deyîrî zaf yenê goştarîkerdene û vatene.

Gerîlayê HPGyî Bengîn Barman hem deyîranê dengbêjîye vano hem zî goştarîkerdişê deyîran ra hes keno. Gerîla Bengîn vano; "Şarê kurdî wayîrê taxirêkê zaf qedim û zengîn o la no tarîx her tim hetê îşxalkeran ra ame hêrişkerdene. Kurdan zî tim cewabê nê hêrişan da.Kurdan her tim kulturê xo pawit û kulturê xozayî xo rê sey esasî girewt. No xoverdayîşê pawitişê kulturî bi dengbêjîye zî ame kerdene.  Wexto ke merdim dengbêjan goştarî keno dekeweno xorînîya tarîxê kurdan. Dengbêjîye zengînîya ma ya. Ez venga ciwanan dana le ê hînî zêde wayîrê kulturê xo, hunerê xo bivejîyê, dengbêjîye raşt fam bikerê û dengbêjan goştarî bikerê. Ma vînenê ke ewro kulturê dengbêjîye seba kurdan hînî bî xerîb. Coka ez vana wayîrê kulturê xo bivejîyê."