Festîvala Fîlmanê Kurdan a Londonî ya 13. de vera asîmîlasyon, qirkerdiş û şerî qala xoverdayîş, hêvî û azadîye ameye kerdene. Festîvale 23ê êlule de ameye kerdene û tede 15 fîlmê dergî û 16 fîlmê kilmî ameyî mojnayene. Promîyerê festîvale zî pê fîlmê 'Cîranî' yê Mano Xelîlî ame kerdene.

Çar parçeyanê Kurdîstanî ra sînemager, dîrektor û senarîstî tewrê festîvale bîyî. Festîvale de pê sloganê 'Cinîye, Cuye, Azadîye' xoverdayîşê cinîyanê Rojhelat û Îranî zî ame selamkerdene.

Festîvale de fîlmê Hêzaya ke heta nika zaf xelatî girewtbî eleqeyêko pîl ant xo ser. Produktorê fîlmî afat Bazî zî dima cewab da persanê seyrkerdoxan.  Reyna fîlmê 'Dema Dirîreşkan' zî hetê seyrkerdoxan ra teqdîr girewt.

Festîvale de fîlmê bi kirdkî Govenda Alî û Zîn ame mojnayene

Festîvale de fîlmanê dergan ra dima fîlmê kilmî û fîlmê dokumenterî ameyî mojnayene.

LKFF de bi sernameyanê 'Sînemaya Kurdan de Cinîyî' û 'Sînemaya Kurdan' panelî ameyî kerdene.  Festîvale Fîraz Dag ame yadkerdene.

Festîvale 30ê êlule de şan zî do xelatan bida fîlmanê serkewteyan.

Dîrektorê LKFFyî Ferhan Stêrkî pare kerd ke temaya festîvale emser 'hêvî' ya û vat: ''Xeylêk dîrektorê fîlmî ma reyde tewrê festîvale bîyî. Reyna ma akademîsyenanê ercîyayeyan reyde seba averberdişê festîvale nîqaşî kerdî. Seba ke festîvale de çar parçeyanê Kurdîstanî ra fîlmî ameyî mojnayene, hînî mezgê seykeran de Kurdîstan bi yew parçe. Wexto ke ma nê fîlmî weçînayî ma kerd ke her herême temsîl bikero û hîkayeyî tewir bi tewir bibê.''