Cilê ke kulturê Kurdan ramojnenê rixmê bi hawayêkê lezî vêşîbîyayîşê asîmîlasyon û kapîtalîzmî de zî xeylî cayan de yeno ciwînayene. Hacere vat: “Heta emrê mi dest bido ez do nê kulturî bidî ciwînayene.”

‘Ma fek ciwênayîşê kulturê xo ra vera nêda’

Hacere vat: “Domanîya xo ra ez bi viraştişê poşî, şûtike, parzîn û xalîyan meşxul a. Ma bi nê hawayî hem debarîya xo kerdêne û hem zî kulturê xo pawitêne. Dima ke dewê ma ameyî vengkerdene ma koç bi bajaran kerd. Rixmê nê de zî ma pawitiş û ciwênayîşê kulturê xo ra fek vera nêda.”

‘Poşî rengê cinî ya’

Hacere derheqê muhîmîya poşî de nê vatî: “Verê viraştişê poşîyêk ez renganê tewr weşikan vîjnena. Çunke seba poşîyêka weşike rengê tewr munasibî lazim ê. No kar sebir wazeno û kede wazena. Viraştişê poşî yan zî parzînêk bi rojan dewam keno. Verî gama berîvanî şîyêne verê pesî paştîya xo rê parzînî girêdayêne û domanê xo û şitê mêşinan pê kiriştêne. Dormeyê Colemêrgî de hewna zî no kultur esto. Şima poşîyanê nê cinîyan yewna ca de nêeşkenê bivînê. Rengê ke poşî de yê nîşanê rindîye û aşitîye yê.”

‘No kultur bi destdayîşê cinîyan resa ewroyan’

Hacere vat ke gama aye nê karî kena zaf şa bena û peynî de nê vatî: “Kede dayîş, cehdkerdiş û viraştişê çîyanê weşikan merdiman rê huzûr dano. Na yewe ra karê destî zaf manîdar û muhîm o. Ma bi xatirê nê kulturî resayê heta ewroyan. Na yewe ra ganî tewr sere de cinîyî ciwênayîşê nê kulturî ra xo mesuldar bivînê.”