Nuştox û şaîran Nurcane Delîl û Kevoke Mizgîn bi wesîleya Roja Şîîre ya Dinya  îfade kerd ke şîîre wayîra tarîxêkê qedîmî ya û bi taybetî eke şîîre bi ziwanê dayîke bêra nuştene hîna ercîyaye bena.

Şaîre Nurcane Delîl vat: ''Ganî ma ziwanê xo yê dayîke bipawê û bidê ciwîyayene. Nuştiş û wendişê bi kurdkî seba ma mîrasêko pîl o. Ma tarîxê xo mîrasanê dengbêjan û şaîran ra musenê. Ê hem tarîxnas ê û hem zî pawitoxê erjanê ma yê.'' 

Kevoke Mizgîne zî ard ziwan ke eserê dengbêjan mîras û rayber ê û vat: ''Dengbêjan bi eseranê xo, cenabê xo da ciwîyayene û ganîkerdene. Tradîsyonê dengbêjîye tewr zaf hetê cinîyan ra ameye dewamkerdene. Şîîre wayîra tarîxêkê qedîmî ya û bi taybetî eke şîîre bi ziwanê dayîke bêra nuştene hîna ercîyaye bena. Ganî ma xîret bikerê ke nê erjan bipawê û pêşkêşê azan ê bînan bikerê. Ma ganî her kes teşwîq bikero ke bi ziwanê xo yê dayîke biwano û binuso.''