Merkezê Kulturê Êzidxanî pê şîarê 'Ma do pê kultur û hunerê xo îşxalî çin bikerê' şaristanê Lohne yê Almanya de kongreya xo ya 2. kerde. Kongre pê yadkerdişê qurbananê Fermanê 73. dest pêkerd û dima seba dîwanî 3 kesî ameyî weçînayene.

Kongre de nameyê KCCÊ ser o Cercûr Cemîlî rewşa peyêne ya Şingalî û êzidîyan ser o qisey kerd. Hunermend Seyîdxanî zî TEV-ÇANDî ser o qala kultur, huner û xorêxistinkerdişî kerde.

Qiseykerdişan ra dima raporê kar û xebatanê 2 serran ame wendene û rapor ame nîqaşkerdene.

Kongre de 9 kesî seba îdareyî ameyî weçînayene.