Mexmûr de Festîvala 4ê Nîsane dest pê kerde

Mexmûr de Festîvala 4ê Nîsane de ya 13. ya ke bi wesîleya rojbîyayîşê Rayberê Şarê Kurdî Abdullah Ocalanî yena kerdene, vizêr dest pê kerde.

Kampa Macîran a Şehît Rustem Cûdîyî (Mexmûr) de Festîvala 4ê Nîsane ya ke bi wesîleya rojbîyayîşê Rayberê Şarê Kurdî Abdullah Ocalanî 2008 ra nata yena kerdene dest pê kerde.

Sey her serre emser zî festîvale serkêşîya Komîteya Perwerdeyî ya Mêxmurî ra ameye organîzekrdene. Fesîvale vizêr bi pêramotişê fotograf, tablo û karê destî yê wendekaran ameye destpêkerdene. Roniştoxanê kampe ke pêramotiş zîyeret kerd zaf eleqa ramojna.

Endamê Atolyeya Şehîde Delîla Bawer Îzerî ke fotografî xez kerdî ANFyî rê qisey kerd. Bawerî waştişê azadîya Abdullah Ocalanî ard ziwan û vat dezgehê bînî zî eşkenê tîya esaranê xo ramojnê.

Endama  Atolyeya  Şehîde Delîla Medîne Tok zî vat tabloyê înan 4ê Nîsane îfade kenê ke kede û rengê cinîyan tede esto.

Festîvala seba hîrê rojan  ewro do pê ramojnayîşanê sporî dewam bikero.