Mîkaîl Aslan serran ra nata bi deyîranê xo yê kirmanckî zerrîya goştarîkerdoxan de cayêkê taybetî gêno. Hunermend Mîkaîl Aslanî Amed de Mordem Huner de konserêk da û zaf kesî tewrê nê konserî bîyî. Konserde ke di saetan ra zêdêr dewam kerd Mîkaîl Aslanî bi deyîranê xo xeylêk ame ecibnayene.

Mîkaîl Aslanî konser de qisey kerd û vat: "Rojnameyo newe ame weşanayene nameyê ci zî 'Xwebûn' o. Yanî xobîyayîş. Mi deyîra Mirazî wexto ke mi waşt ez biba xo nuşt. Tîya de xobîyayîş zor o. Ti eşkenî bibî her çi la ti nêeşkenî bibî xo. Vanê 'êyê ke nêmanenê mi wa nêciwîyê.' Ziwanê ma, kulturê ma kerdî bêercaye. Xazîneyo ke aîdê ma bi ame diznayene. Ganî her kes domananê xo de bi kurdkî qisey bikero. Werrekna eleqeyo ke ma mojnenê ziwananê bînan binojnê ziwanê xo zî.''