MKMyî serragêrayîşê awanbîyayîşê xo yê 27. bi konserêk pîroz kerd.

Konsero ke Merkezê Numayîşî yê Bostanciyî de ame viraştene, ci rê eleqedarîyêka pîle ramojîyaye. Organîzasyonê komelan ê sivîlî, temsîlkarê partîyanê sîyasîyan û roşinvîrî zî tewrê konserî bî. Konserî bi dekewtişê ekîba govende ya MKMyî yê sehneyî dest pêkerd. Dima ra sînevîzyonêk ke beş bi beş 27 serrê MKMyî ramotêne ame pêşkêşkerdene. Şewe de bale ancîyaye grevê vêşanîye yê Leyla Guvene û tecrîdê serê rayberê PKKyî Abdullah Ocalanî.

Şewe de ekîba folklorî ya MKMyî zî sehne girewte. Heman wextî de hunermendanê MKMyî ra Serhat Kural, Nurcan Deyîrmencî, Talat Yeşîl û Ertan Tekînî zî bi deyîranê xo kîtle bicoş kerde.

Hunermenda Kurde Yelda Abbase zî sehne de ca girewt û vat ke aye înan rê silamê Xorasanî ardê. Deyîranê Yelda kîtleye ra eleqedarîyêka pîle dîye. Reqase Hatûna ke Îran ra amîbî bi reqsê xo tewrê deyîranê Yelda Abbase bîye. Dimayê ekîba dengbêjan a MKMyî ra Grûba Dansî ya Mezopotamya bi dansê “Dört Kapı, Kırk Makam” (Çar berî, Çewres Cayî) sehne de ca girewt. Dima ra bi tewrbîyayîşê hunermendanê sey Mizgîn Tahîre, Ferhat Tunç, Arhat, Ruken Yilmaze û yê MKMyî konser qedîya.

Konser de her game sloganê sey “Leyla Guvene tenya nêya” û “Biciwîyê xoverdayîşê zîndanî” erzîyayî.