Şaristanê Marsilya yê Fransa de fîlmê 'Pres'î yê Sedat Yilmazî ame mojnayene. Aktîvîde de semedo ke PKK lîsteya terorî ra bêro vetene mesajê paştdayîşî ameyî dayene.

Fîlm bale anceno tedaya vera rojnamegeran ser. Aktîvîteya mojnayîşê fîlmî de derheqê hêrişanê vera HDPyî, hêrişanê îşxalî yê vera Rojawanî û lîsteya terorî de cakerdişê PKKyî de agahîyî dîyayî û afîşî ameyî vilakerdene.

Sere de Merkezê Komelê Demokratîkî yê Kurdan, Têgêrayîşê Haştîye yê Paca, Partîya Antîkapîtalîste ya Newîye xeylêk rêxistin, sendîla û têgêrayîşê tewrê aktîvîte bîyî.

Îdarekarê rojnameyê La Marseillaise Leo Purgutteyî aktîvîte de qisey kerd û da zanayene ke têkoşînê kurdan xeylêk tesîrê ci kerd û îfade kerd ke ganî pêro kesî paştî bidê kurdan. Leo Purgutteyî pare kerd ke ê do rîpelanê verênan ê rojnameyî de ca bidê kampanyaya ke semedo ke PKK lîsteya terorî ra bêro vetene yena kerdene.