Muracatê seba Musabeqaya Edebîyatî ya Şehîde Vîyane ya ke Komîteya Perwerdeyî ya Herêma Firatî reyde hetê Yewîya Roşnvîran a Kobanê ra yena serûberkerdene dest pêkerd. Musabeqa beşanê şîîre, hîkaye û maqale de do bêra kerdene. Muracatê seba musabeqa heta 7ê temmuze dewam kenê.

Şertê beşdarîya musabeqa wina yê:

-Eserî ganî kurdkî yan zî erebkî bibê

-Eserî ganî verê cû nêameybî weşanayene.

-Beşdarî eşkenê têna pê yew eser muracatê musabeqa bikerê. Beşdarî ganî zanayîşê derheqê cuya xo de û eserê xo heta tarîxê peyênî yê muracatî bierşawê adresê têkilîye.

-Ganî hîkayeyî tewr zêdêr 3 rîpelî bibê.

Xelatê musabeqa 27 temmuze de pê merasîmêk bêrê dayene.