Yewîya Wendekaranê Kurdîstanî (YXK) û Cinîyan ê Wendekaran ê Kurdîstanî (JXK) pare kerd ke ê do pê şîarê 'Edebîyat, huner û xoverdayîşî ma reyde fîraz bikerê' Musabaqeya Hîkaye û Şîîran a Huseyîn Çelebîyî ya 28ine 23ê teşrîna verêne de serûber bikerê.

Musabeqa do bi wesîleya serrgêra 30. ya ronayîşê YXKyî do bêra kerdene. Musabeqa 23ê teşrîna verêne de pê aktîvîte û bernameyanê cîya-cîyayan de şaristanê Freiburgî yê Almanya de do bêra kerdene.

Komîteya Amadekarîye venga pêro welatperweran, hêzanê demokratîkan û edebîyatkeran da ke tewrê musabeqa bibê.

Bernameyê musabeqa wina yo:

''Musabeqaya edebîyatî ya bi kurdkî, tirkî, îngilîzkî û almankî

Muzîk: Hîvron, Hozan Şemdîn, Dengbêj, Folklor, Govend."

Musabeqa adresê Feldbergstrasse 25A 79115 Freiburgî de saete 14:00 de do dest pêbikera.

Agahîyê zêdeyî dima do bêrê parekerdene.

Semedê girewtişê agahîyan ê zêdeyan no adres ame parekerdene:

Instagram: huseyincelebi_festivasl2021

E-posta: [email protected]