Koma Hevra ya ke Komelê Muzîkî yê Meclîsê Ciwanan ê HEDEPî ra yeno pê, 4ê nîsana 2019î ra nata karêkê serkewteyî kena.

Koma Hevre mîyanê muzîkê kurdkî de tradîsyonê muzîkê şorişgêrî teqîb kena. Koma Hevra tradîsyonê muzîkê şorişgêrî newe kena û resnena şarî. Kome raştê xeylêk teda û zorbazîyan zî yena. Mîyanê 2 menganê peyênan de 2 konserê kome ameyî qedexekerdene.

La Koma Hevra rixmê nînan zî rayîrê xo ra dewam kena. Kome armanc kena ke merkezêkê kulturî awan bikera, hunerî bimusna ciwanan.

Projeyêkê kome yo bîn zî awankerdişê koma cinîyan 'Koma Hewra Jin' o. Seba caardişê nê projeyî kome dest pê amadekarîyanê xo kerde.

Deyîrê Koma Hevra yê neweyî vizêr weşanîyayî ke dîyarîya Mayanê Şemeyî û Mayanê Haştîye ameyî kerdene.