Hunermendê kurdî Yahhyayî albumê xo yo verên Dereng vet.  Hunermend Yahhyayî derheqê albumê xo de ANFyî rê qisey kerd.

Yahhyayî pare kerd ke albumê ci 'Dereng' (Erey) bi hawayêkê metaforîkî vano 'seba çîyêkî erey nîyo.' Yahhyayî vat: ''Tewreyê mi de xeylêk vate û hîkayeyê cografya, kultur û merdimanê ma est ê. Muzîkê mi bi xo kultur û cografyaya ma yo. ''

Yahhyayî dîyar kerd ke albumê ci de 8 deyîrî est ê û vat: ''Ez hem deyîrbaz a hem zî goşdarîker a. Ez nêwazena deyîrî mi bikerê halêkê tênayîye. Ez wazena deyîrî û deyîrbazî mi bikerê mîyanê coş û kelecanî. Coka albumê mi de balans, hemsengîye û cîyarengîye est ê. Ez ewnîyena şiroveyan û vînena ke album de deyîra favorîye goreyê her kesî cîya cîya ya. No zî mojneno ke her deyîre seba merdimî çîyêkê bînî îfade kena.''

Yahhyayî derheqê zehmetî û zorîya muzîkê bi ziwanê dayîke ser o wina vat: ''Bi ziwanê dayîke muzîkviraştiş rehet nîyo. Nika nameyê bi kurdkî zêdîyayê la qiseykerdoxê kurdkî kêmîyayê. Heyf ke hûmara kurdanê ke bi kurdkî fam kenê la nêeşkenê bi kurdkî qisey bikerê zêdîyaya.''