Baryana Sîdo dewa Çolaqa ya qezaya Cindirêsî ya Efrînî ya la seba ke Efrîn binê îşxalê dewleta tirke de yo Baryana Kampa Serdemî ya Şehba de manena.  Baryanaya 16 serre domanîya xo ra nata wazena biba muzîsyene.

Baryana Sîdoya ke Kampa Serdemî ya Şehba de manena, rixmê şert û mercanê koçberîye û zehmetîyanê herême zî peyê xeyalanê xo yê muzîsyenîye de şina.

Baryana vana ke keyeyê aye de babî, way û birayê ci muzîsyen ê û wina dewam kena: ''Dima ke ma koçê Şehba kerd mi mîyanê koma domanan de cagirewt û mi tîya de deyîrî vatî. Tîya de ez gîtar musaya. Seba ke waka mi muzîsyen a û mamostaya kemanî ya ez tira keman musaya. Dima mi xo rê gîtarêk peyda kerd û înternetî ra cinitişê gîtarî musaya. Mi bi israrê xo zîncîrê koçberîye qerifnayî.''

Baryana pare kena ke bi rayîrê perwerdekerdişê xo a nika Dezgehê Kulturê Cinîyan ê Hîlala Zêrîne de bîya endamêka sereke û vat: ''Nika ez Şehba de mîyanê komanê Hîlala Zêrîne de keman, gîtar û def dana piro. Ez hêvî kena ke xo hîna zaf aver bera û biresa armancê xo.''