“Nêzdîyê Ziwan, Bawerî, Xoza, Kultur û Nasnameyê mi nêbe!”
Festîvala Dêrsimî ya Ewropa ya 11’in, emser reyna bajarê Frankfurtî yê Almanya de do bêro viraştene.
Komîteya Amadekarîya Festîvala Dêrsimî ya Ewropa bi eşkerayîyêk daye zanayene ke festîvala 11’in, emser reyna bajarê Frankfurtî yê Almanya de do bêro viraştene.
Festîvala Dêrsimî ya Ewropa ya 11’in tarîxanê 24/25’ê Gulane 2019 de, bi şîyarê “Nêzdîyê Ziwanê mi, Bawerîya mi, Xozaya mi, Kultur û Nasnameyê mi nêbe!” do bêro viraştene. Federasyonê Elewîyan ê Demokratîkî ( FEDA) Federasyonê Yewîyan ê Dêrsimî yê Demokratîkî yê Ewropa (ADDBF), Komela vera Terteleyê Dêrsimî zî paştdayîş danê festîvalî. Komîteya Amadekarîye da zanayene ke, ê do wextêko tewr kilm de bernameyê festîvalî eşkera bikerê û vengdayîş bi Dêrsimijan kerd ke ê no proseso bizor de hîna hîsgêr bê.
