Nuştoxe Bedrîye Topaç siba do biba meymana bernameyê Wêjegehê Amedî û qala edebîyatê xo bikera. Bername saete 18.30 de do dest pêbikero.

Wêjegeh Amed derheqê bernameyî de nê agahîyî dayî:

''Bedrîye Topaça ke hîkaye û şîîrê aye bi Kirmanckî (Zazakî) veng danê, bi kitabê xoyê şîîran ê peyên ê bi nameyê 'Sebr'î bena meymana ma. Kitab Weşanxaneyê Vateyî ra vejîya. Dinyaya Topaça ke heta hewtserrîya aye dewa aya koyanê Dêrsimî de bi kirmanckî amebîye ra, bi wendişê aye yê mektebanê leylîyan û dima zî koçê Ankara kerdişî ya kewte tertele. Ewro seba ke kirmanckî (zazakî) hona nê terteleyî mîyan der a, zehmet o ke zereyê edebîyatê ci de merdim rastê vengê cinîyan bêro. Bedrîye Topaçe bi nê persan, ero vengê Dêrsimî yê 'makî' gêrena û ma do 17ê Çileyî de saete 18.30 de Wêjegeh Amed de aye bikerîme meymana xo.''

Adresê bînaya Wêjegeh Amedî wina yo:

Dîclekent Villalari, Kuçeyê 251, No: 46, Kayapinar