Paytextê Norveçî Oslo de  Pêramotişê hunermendê Kurdî  yê qicanê Efrînijan ame akerdene.

Weledkahanî par kampê Rojawan û Şehba zîyaret kerdbî. Xebatê ey pîya bi resîmanê qican  Merkezê Hunerî yê Akershusî yê paytextê Norveçî Oslo de yenê pêramotene. Weledkahanî kampanê Rojawan û Şehba de qican de qisey kerdbi û resîmê ke qican viraştî ê zî pîya bi xo ardî Norveç. Nê xebatî, resîmî pîya bi vîdeoyan vizêr paytextê Norveçî Oslo de bi pêramotişê bi nameyê ‘hewnê mi’ bi heskerdoxanê hunerî  ameyî têhet. Pêramotişo ke ci rê zaf eleqadarîye esta do heta 22’ê Êlule dewam bikero.