Qezaya Sûrî ya Amedî de Zulfî Yoldaş (68) bi nameyo naskerde Eşiq Zulfî Yoldaşo 51 serre, saz û erbenayan virazeno û heskerdişê xo yê Amedî neqşê zerrîyan keno.

Yoldaş ke erbane û defan virazeno û tamîr keno, vano ke cuya ey ya hunerî bi hewnêkî dest pêkerdo. Hewnê ci de derwêşêk amey,o saz dayo destê ci.

Yoldaşî dîyar kerd ke o dewrê xorteyê xo ra saz cineno û wina domna: "45 serrî yo ke ez erbeane, 51 serrî yo zî sazî cinena. Verê ma serê bananî de rakewtêne. Şewêk mi hewnê xo de derwêşêko herdiş sipî dî. Derwêşî saz dayêne kamî, ey nêşkayêne bicino û dima zî da mi û va 'lajê mi nê sazî bigire bicine‘. Mi saz girewt û cinit. Derwêşî cinitişê sazî mi musna. Dima ra dadîya mi, mi kerde aya û va ‘ti qey deyîre vanî‘ . Hewnî ra dima mi saz girewt û 5 serrî perwerdeyê ci dî."

BI AYŞE ŞANE EZ VEJÎYAYA TÛRNEYAN

Yoldaş qiseykerdişê xo wina domna: "Ez aşiqê Amedî ya û bi eseranê xo wazena naye bîyara ziwan. Amed bi tarîx û sûranê xo cayo erjaye yê dinya yo. Seba ke ez amedij a sereyê mi berz o. Ez şorî ça heskerdiş û vîrê Amedî mi zerrî ra nêvejîyeno. Sey aşiqêk û ozanêk seba mi cayê Amedî cîya yo."

HUNER SEY VERÎ SENÎNÎYE NÎYO

Yoldaşî dîyar kerd ke ey bi Ayşe Şane zî xebatê hunerî kerdî û pîya vejîyayî tûrneyan û wina va: "Ez 17 serreyîya xo ra heta ewro cinena û vana. Nameyê mi bi eşiq la ez seba yew cinî nê seba eşqê na herre cinena. Ez eşiqê welatê xo ya. Heskerdişê mi yê şîîran, qesîdeyan, deyîran Homayî ra mi rê dîyarîyêk a. Heta ewro mi 17 kitabê şîîran nuştî, 3 bandî vetî û 100 hezar ra zêdeyêr erbaneyî viraştî. Ez viraştişê erbaneyan babîyê xo ra musaya. Babîyê mi westayê dêsî bi, la erbane zî viraştêne. Verê eleqeyê hunerî zêde bi. Nika wina nîyo. Aye ra huner zî bisenînîye nîya."