Paytextê Fransa Paris de rayberîya TEV-ÇANDî de 15ê Gulane Roşanê Ziwanê Kurdî ame fîrazkerdene. Şayîye de Hozan Şemdîn, Farqîn Azad, Deza Amed û Nûarîne vejîyayî sehne ser. Şayîye de şîîrê kirdkî, kirdaskî, sorankî û gorankî zî ameyî wendene.

Hozan Şemdînî şayîye de qisey kerd û vat: ''Keye de, kargeh de ganî ma domananê xo reyde tim bi kurdkî qisey bikerê. Ma bi kurdkî binusê û biwanê.''