Komêka kaykerdoxanê tîyatroyî yê Merkezê Kultur û Hunerî yê Şingalî seba serrgêra fermanê 73. (Qirkerdişê Şingalî) kayêk mojna.

Kay hetê 11 kaykerdoxan ra ame kaykerdene û merkezê Sînûnî de ame mojnayene. Kayî saete 18:00 de dest pêkerd û nêzdîyê nêm saete dewam kerd. Pêro hemwelatîyî dormeyê kaykerdoxan de ameyî pêser û pê meraqêkî tîyatro seyr kerd. Seyrkeran pê çepikan paştî daye kayî.

Kaykerdoxê tîyatroyî Sofyan Hecîyî pare kerd ke înan arman kerd ke a roja reşe xo vîrî ra nêkerê, tedbîranê xo bigêrê. Hecîyî vat: ''Ma pê wesîleya serrgêra 6. no kay mojna. Şarî zî eleqeyêko pîl mojna ma. Ma înan rê sipas kenê. Ganî ma nê îxanetî xo vîrî ra nêkerê.''