Ebdo Resûlo ke qezaya Cindirêsî ya Kantonê Efrînî ra yo, îşxalê dewleta tirke ra dima neçare mend ke koçê dewa Zîyaretî ya Şêrawa bikero. Ebdu Resûl rixmê şert û mercanê şerî yê çetinan zî seba ke debara xo bikero, bi viraştişê temburan karê babî û kalanê xo rê dewam keno.

Ebdoyî dîyar kerd ke viraştişê tembûran hunerêko komelkî yo û vat: ''Seba ke viraştişê tembûran hunerêko komelkî yo û karê babî û kalanê ma yo, goreyê şert û mercanê nikayênan xîret kenê ke dewam bikerê. Bêguman no kar kelecanî dano merdimî. Hîsê viraştişî merdiman de awan keno.''

Ebdoyî eşkera kerd ke seba ke emrê tembûrî derg bibo û vengê ci weş bibo tewirêkê dare yeno weçînayene û vat: ''Darê goze û tûyan seba viraştişê tembûran îdeal ê. Ma malzemeyê tembûran verî awe de nerm kenê û dima pê qalibî germ kenê. Peynî de ma qalibî ser o tembûrê xo virazenê.''

Ebdo Resûloyî ard ziwan ke şert û mercanê koçberîye û îmkananê kêman ra ê nêeşjenê tembûranê ke wazîyenê virazê û vat ke heta ke îmkanê înan est ê, o do karê xo rê dewam bikero.