Pêramotişê '2+2=KRDSTN' o ke 28ê nîsane de berê xo meymananê xo rê akerdbi, konserê muzîkî ra dima qedîya.

Konferans, panel, çalakîyê hunerî û kulturelî yê ke teşrîna peyêne ra nata hetê Komîteya Yadkerdişê Serrgêra 100. ya Lozanî (Lozan 2023) dabî destpêkerdene qedîyayî.  Çarçewa pêramotişî de hunermendanê 4 parçeyanê Kurdîstanî û Ewropa şaristanê Lozanî yê Swîsre de hunerê xo pêşkêş kerdî.

Konserî ra verî resam Serdar Mutluyî meymananê pêromotişî rê sipas kerd. Dima zî nameyê Komîteya Lozan 2023yî ser o Sevgîye Koyuncu qisey kerd û vat: ''Aktîvîte û çalakîyê ma çarçewa serra 100. de do dewam bikerê.''

Dima hunermendê Tevgera Çand û Hunerê Kurdan ê Swîsre Sabahat Erdem, Serhat Hemdem, Yilmaz Beyazgul û Denîz Kaya konser da.

Wina pawîyeno ke Pêramotişê '2+2=KRDSTN' paytextê Fransa Paris de do bêro mojnayene