Merkezê Peyrewanê Rojî roja 4’ine ya çalakîya Pêramotişê Kitaban ê Hîrêyinî yê Herekolî de 25 fotografî pêşkêş kerdî. Pêramotiş 20’ê menge ra nata bi slogana “Cimato wende, cimato aver o” bi tewrbîyayîşê 34 sazîyanê kulturî û Heyetê Weşanî yeno viraştene.
Pêramotişê Kitaban o Hîrêyin ê Herekolî rojane bi desan meymananê herêmanê Vakur û Rojakewtena Sûrîye rê meymandarîye keno. No zî muhîmîya pêramotişî ramojneno ke hetê Heyetê Kultur û Hunerî yê Herêma Cizîre ra ameyo organîzekerdene.
Roja 4’ine ya çalakîyanê pêramotişî de Merkezê Peyrewanê Rojî 25 fotografê destanê şerwananê QSD, YPG, YPJ û yê Gureyê Xopawitişî û fotografê şerê peyênî yê QSD’yî yê ke Baxoz de dimayê çinkerdişê çeteyanê DAÎŞ’î ameyê antene, pêşkêş kerdî.
Îdarekarê Merkezê Peyrewanê Rojî Reşo Kasanî bale ante ser ke pêramotiş de 25 fotografî û kîşta înan de zî 14 kitabê cîya-cîyayî yê kulturî, romanî kitabê fikrê cinîyan ê leşkerî û kitabê tarîxê şorişanê Kurdan estê.
Pêramotiş de 113 hezarî kitabî, 8 hezar û 500 sernameyê kulturkî, cimatkî, zanistkî, dînkî, felsefîkî, tradîsyonkî, tarîxî yê ke bi ziwananê Erebkî, Kurdkî, Suryankî û Îngilîzkî estê. Pêramotiş do heta 25’ê Temmuze dewam bikero.
