Akademîya ke tewir bi tewir projeyan aver bena, nika zî bi projeyêk newe, seba perwerdeyê domanan ê 2 û 5 serreyan "Zarok Ma" (Tutî Ma) akena. Projeyo ke pê paştdayîşê Enstituyê Goetheyî aver şîyo, serê Fongogoyî de bapeyê hetkarî yo. Çarçewa projeyî de bînayêka newîye do bêra viraştene. Derheqê babete de mamosteyanê Ma Mûzîkê Evîne Tîryakî û Evîndare Dulek qisey kerd.

Evîne Tîryakî pare kerd ke 6 mengî yo ê nê projeyî ser o xebitîyenê û vat: ''Domanê 2-5 serreyî tîya de do perwerde bivînê. Ma nêwazenê domananê nê welatî bêmuzîk verdê. Ma wazenê hem domanî xebatanê do dewam bikerê hem zî înan newe bikerê.''

Evîndare Dulek zî vat: ''Wendekarê akademî vera zêdîyenê. Ma zî coka no proje awan kerd. Bi nê hawayî domanî pandemî de zî do bi rehetî têbigêrê. Wa wexto ke domanî yenê tîya xo sey keyeyê xo de yê hîs bikerê. Çend kesî paştî bidê ma hende rind beno. Verî qet hêvîya ma çinbî la dima her kesî zaf eleqe mojna ci.''

Kesê ke wazenê  eşkenê serê nê lînkî ra hetkarî bikerê: http://fongogo.com/Project/ma-music-centerzarok-ma0-5-yas-ebeveyn-katilimli-muzik-egitim-merkezi