Merkezê Kulturî yê Mezopotamya (MKM) de seba kursanê muzîkî qeydî dest pêkerd. Kesê ke wazenê beşdarê kursan bibê heta peynîya êlule eşkenê qeydê xo virazê. Kursan de dersê tembût, pîyano, keman, şan, gîtar, flut û erbaneyî do bêrê dayene.  

Hunermenda MKMyî Zehra Suyu Ajansê Mezopotamya rê qisey kerd û pare kerd ke ê vera asîmîlasyon û qirkerdişê kulturelî têkoşîn kenê. Zehra îfade kerd ke  heta peynîya êlule seba kursanê muzîkî qeydviraştiş do dewam bikero. Zehra vat: ''Bi taybetî cinîyî wa kesê ke wazenê kulturê xo bipawê tewrê kursanê ma bibê. Qirkerdişê vera kulturê ma û asîmîlasyon dewam kenê. Ma venga her kesî danê ke vera ney MKM de wayîrê kulturê xo vejîyo.''