Qezaya Qoserî ya Mêrdînî de Komeleya Kultur û Hunerî ya Mezopotamya ameye akerdene. Wekîla HDPyî ya Mêrdînî Ebru Gunay, Komeleya Ziwananê Ebedîyan a Mêrdinî (MED-DER), Komeleya Nuştoxanê Mezootamya, Komeleya Kultur û Hunerî ya Laleşî û zaf kesî tewrê akerdişî bîyî.

Akerdişî de perwerdekara komele Sema Ozel Asî qisey kerd û vat ke armancê înan no yo ke kultur û hunerê kurdan biciwîyê.  Sema Ozel Asî ard ziwan ke kurdî wazenê kulturê xo bidê ciwîyayene.

Qiseykerdişî ra dima kayê pandomîm ame mojnayene. Bernameyê akerdişî de Komeleya Kultur û Hunerî ya Dîcle, Komeleya Kultur û Hunerî ya Baharî ya Êlihî, Komeleya Kultur û Hunerî ya Mêrdînî ra hunermendî vejîyayî sehne ser û deyîrê xo vatî.

Bername bi govendan qedîya.