Rîyê ‘Baxçeyê Şarî’ ra Sûrê Tarîxî yenê rijnayene
Sûrê Amedî yê ke binê pawitişê UNESCO de yê binê ci de semedê ‘Baxçeyê Şarî’ şantîyeyêk ameye ronayene. Rîyê xebatê makîneyanê karî yê giranan ra dêsê vakûrê Sûrî 2 metre rijîya.
Sûrê ke Lîsteyê Mîrasê Kulturî yê Dinya yê UNESCO de ca gênê rîyê tayî xebatanê Dola Dîcle ra rijîyenê.
Dimayê reaksîyonê vera Projeyê Herêma Rekreasyonî yê Dola Dîcle yê Wezaretê Derûdor û Bajarîye UNESCO ra heyetêk ame û çimdarîyanê xo ra dima vat ke no proje zirar dano sîstemê ekoloji û proje da vindarnayene. Bado zî Mehkemeya Îdare ya 1’ine ya Amedî proje îptal kerd. La na rey zî xebatê ‘Baxçeyê Şarî’ yo ke Erdoganî semedê weçînitişî sozê viraştişê ci dayo kewtî dewre. Çarçeweyê nê karan de rîyê xebatanê wesayîtanê giranan ra dêsê vakurê Sûran yê ke sey cayê tewr zehîfî yê dêsan yenê zanayene de 2 metre rijîya.
