Festîvala Govende ya 6. ya Şehîd Ronahî Bawerî 16ê êlule de Rimêlan de do bêra kerdene û çar rojan dewam bikera.

Endamanê Komîteya Amadekarîye ra Evîne Bîlal derheqê babete de ANFyî rê qisey kerd.

Evîne Bîlal pare kerd ke ê 2015 ra nata bi konseptêkî festîvale kenê û vat: ''Festîvale de pêro rengê şaranê Rojawanî cagênê. Hêrişanê vera Rojawanî ra festîvale mabênê serranê 2019-2021î de nêameye kerdene. Festîvala 5. serra 2021î de Hesekê de ameye kerdene. Festîvala 6. zî ma do Rimêlan de bikerê.''

Evîne Bîlal derheqê tedeyî û amadekarîyanê festîvale de nê agahîyî dayî: ''Festîvale hetê Komîteya Kultur û Hunerî, Hîlala Zêrîne û TEV-ÇANDî ra yena serûberkerdene. Ma festîvala emserîne dîyarîya Jîna Emînî kenê. Qasê 4 mengî yo ma amadekarîyanê nê festîvale kenê. 21 komê govende yê kurd, ereb, asûrî, sûryanî û armenîyan do tewrê festîvale bibê. Heman wextî de komê muzîkî û hunerî zî do festîvale de cabigêrê.''