Têgêrayîşê Kultur û Hunerî yê Demokratîkî, Merkezê Kultur û Hunerî yê Mihemed Şêxoyî yê Qamişlo de  bi viraştişê aktîvîteyêkî Komunê Tîyatroyê Rojawanî awan kerd. Komun de seba pisporkerdişê kaykerdox, nuştox û dîrektoranê tîyatroyî xebatî yenî kerdene.

Hemwelatijan a pîya xeylî hunerperwer, Hemserekê Konseyê Rayberdîşî yê TEV-DEMî Xerîb Hiso û Hemserekê Komela Kulturî yê Suryanîyan Hena Hena zî tewrê akerdişê komunî bîyî.

 Merasîmê akerdişî de  derheqê xebatanê tîyatroyî yê herêmanê Cizîr, Efrîn û Firatî de sînevîzyonêk ame ramotene.

Xerîb Hisoyî  bale ante muhîmîya tîyatroyî ser û vat ke tîyatro heme prosesanê tarîxî ramojneno û bi şarî ciwîyeno.

Bado zî kayo bi nameyê “Serwer” ame kaykerdene û aktîvîte bi deyîran û govendî qedîyaye.