Rojê Belgefîlman ê Heqanê Merdiman ke hetê Weqfê Heqanê Merdiman ê Tirkîye ra emser do reya 9ine bêrê viraştene, 5ê Kanûne de dest pêkenê.

Aktîvîteyî do bi temaya Beyannameya Unîversale ya Heqanê Merdiman a Netewê Yewbîyayeyan Merkezê Kulturê Firansizî yê Îzmîrî de bêrê viraştene. Festîvalo ke do heta 9ê Kanûne dewam bikero de do bale biancîyo serê problemanê ke hetê heqanê merdiman ra Tirkîye de û dinya de estê.    

Çend babetê programê festîvalî nê yê : Qetlîamo ke 10ê Teşrîna verêne 2015 de vernîya Garê Enqerîye de ame viraştene, Zextê ke hemverê Êzidîyan de yenê kerdene û Cuya Yaşar Kemalî.