Rojanê Ma Musicî yê 5. yê Akademîya Ma Muzîkî bi şîarê ''Ma do domananê nê welatî bê muzîkî nêverdê'' Amed de dest pêkerd. Rojê Ma Musicî 3 rojan do dewam bikerê. Roja verêne de keyeyê wendekaranê Akademîya MA Muzîkî, perwerdekarî û Akademîya Sînema ra Lîsa Çalan û Komeleya Huqûqnasan a Seba Azadîye (OHD) tewrê aktîvîte bîyî.

Perwerdekare Hêlîne Kiliçarslan aktîvîte de qisey kerd û vat: ''Ez zaf bi kelecan a. Nê domanan sifirî ra dest pêkerd û zaf kede daye. Ma do nê aktîvîteyan aver berê.''

Qiseykerdişan ra dima wendekaran baxçe de keman, tembûr û ensturumanê bînî cinitî. Pêşkêşwan Ferhat Ertaşî aktîvîte de kedkarê tepişteyî yê çapemenîya azade selam kerdî.

Aktîvîte ra dima wendekaran rê qeranfîlî ameyî dayene.