Rojnuşteyê rojnamegere û serkêşanê têgêrayîşê azadîye yê cinîyan ra Gurbetellîye Ersoz bi nameyê “Les Éditions d’En Bas” (Mi Zerrîya Xo Koyan Ser a Neqişnaye) ame açarnayene franskî.

Rojnuşte mabênê serranê 1995-1997î de nusîya.  Kitab 29ê êlule de şaristanê Lozanî yê Swîsre de La Pavillon de, saete 18.00 de do bêro şinasnayene.

Edîtoranê Weşanxaneyê Les Éditions d’en Basî Pascal Cottin û Jean Richard û Mudiro verên ê Muzeya Hunermendanê Rindan Bernard Fibicher zî do bername de qisey bikerê.

Gurbetellîye Ersoz reya verêne Kurdîstan û Tirkîya de sey mudira weşananê pêroyîyan xebitîyabî. Ersoze wexto ke mudira Ozgur Gundemî bîye tepişîyaye û raştê îşkenceyanê pîlan ameye.

Ersoze dima ke zîndanî ra vejîyaye tewra gerîlayan bîye û nê serran de rojnuşteyê xo nuşt.

Gurbetellîye Ersoz wexto ke 32 serre bîye Başûrê Kurdîstanî de 8ê teşrîna verêne ya 1997î de şehîd bîye.