Musebeqaya Şîîre ya Arjen Arîyî ya 7. a seba vîrameyîşê temsîlkarê Edebîyatê Modern ê Kurdkî Arjen Arîyî yena serûberkerdene. Şertê musebeqa ya ke hetê Weşananê Sorî û keyeyê Arjen Arîyî ra yena serûberkerdene bi kombîyayîşê çapemenîye ameyî parekerdene.

Temsîlkarê Weşananê Sorî Reşo Ronahîyî vat ke seba ke ê wayîrê Ziwan û Edebîyatê Kurdkî yo ke Arjen Arîyî bi serran keda xo daye ci bivejîyê emser reya 7.e musebeqa serûber bikê. Jûrîyê musebeqa de Berhen Bereh, Necla Arî, Bêrîvane Zînzal, Fewzî Bîlge û Yeqîn H. estê. Muracatî mabênê 16ê teşrîna peyêne û 1ê adara 2020î de do bêrê qebulkerdene. Muracatî bi kargoyî yan zî postayî heta 1ê adara 2020î Buroyê Amedî yê Rojnameyê Evrenselî do bêrê erşawitene. Netîceyî Roşanê Ziwanê Kurdkî de 15ê gulana 2020î de do bêrê parekerdene û xelate do serrna Fuarê Kitaban ê Amedî de do bêra dayene

Şertê Muracatî

*Xelate têna seba eseranê kurmanckîyan do bêra dayene.

*Esero ke do xelate bigêro hetê Weşananê Sorî ra sey kitabêk do bêro çapkerdene.

*Kesêk zî do xelata rûmete do bigêro.

*Kesê ke do muracat bikê ganî kitabêkê înan çin bo

*Eserê ke verê cû dezgehêkî ra yan zî musebeqa ra xelate girewte nêeşkenê tewrê musebeqa bibê.

*Eserî ganî bi Alfabeya Latînî bêrê nuştene.

*Heqê jûrîyî esto ke esero ke xelate girewte ser o weçînayîşî biko.

*Dosyayî ganî tewr tay 64 rîpelan ra bêrê meydan.

*Dosyayî ganî bi formê A4î û sey 5 nushayan bêrê erşawitene.

*CD yan zî USB yo ke dosya tede ya ganî dosyaya muracatî de biba yan zî dosya ganî pê emaîlî bêro erşawitene.

*Dosyayî ganî adreso ke cêrî de yeno nuştene rê bêro erşawitene

Adres: Buroyê Amedî yê Rojnameyê Evrenselî

Taxa Yenîşehîrî, Kuçeyê Alî Emîrî, Caddeyo 7., No: 22/7 Qat:1 Yenîşehîr/Dîyarbekîr"