Jîna Emînî êlula 2022yî de paytextê Îranî Tahran de hetê polîsanê ehleqî ra ameye destbendkerdene û dima ameye qetilkerdene. Merge aye pêro dinya de bi sîmgeyê têkoşînê cinîyan. Qetilkerdişê Jîna Emînî slogana Jin Jiyan Azadî ya ke sîmgeyê Têgêrayîşê Azadîye yê Cinîyan ê Kurdan a heme dinya de da nasdayene. Jîna Emînî zî bîye sembolanê xoverdayîşê cinîyan ê kurdan yew.

Hunermende Besere Şahînî semedê Jîna Emînî deyîrêke nuşte. Deyîra ke bestkarê ci Memo Gul o, klîbê ci ame weşanayene.

Besere Şahîn vist vîrî ke bi mergê Jîna Emînî slogana Jin Jiyan Azadî bîye sloganê têkoşînê cinîyan ê dinya û vat: ''Têkoşînê xurtî yê cinîyan ê kurdan ra nêbîyênî Jîna Emînî zî sey kiştişanê bînan ê rejîmî ameyêne vîrakerdene.''