Wefatê hunermend Silo Qizî ra serrêke derbaz bîye. Wextê Terteleyê Dêrsimî yê 1938î de leşkeran seba ke kemane cinitêne 'Wa keyfê ma bîyaro' Silo Qizo 12 serre nêkişt la pêro keyeyê ci qir kerd.

Silo Qizo ke Dêrsim de ciwîyayêne 100 ra zêdêr deyîr û besteyî viraştî û o westayê kemane bi. Silo Qiz hema ke 5 serre bi babîyê xo ra cinitişê kemane musayo û dima zî dest pê vatişê deyîran kerd.

Silo Qizî dej, xemgînî, şayî derd û serebûtê şarî pê hunerê xo neqlê neslan ê bînan kerdî. Silo Qizî zêdêr veyve û şînan de kemane cinitêne. Ey Tertleyê Dêrsimî ser o zî lorikê girîngî nuştî û beste kerdî.

Silo Qiz par serreya xo ya 104. de dewa Mîlî ya Dêrsimî 14ê kanûna 2019î de de şi heqîya xo.