Merkezê Kulturî yê Pargînî yê Rojawanî û TEV-ÇAND şaristanê Cenevre yê Swîsre de 'RojavaFest' do serûber bikerê. Çarçewa festîvale de xeylêk aktîvîteyê kulturel û fîlman do bêrê kerdene.

Aktîvîsta Merkezê Pargînî Sevînaze Evdikê û Endamê TEV-ÇANDî Yilmaz Beyazgulî da zanayene ke festîvale mabênê 30ê hezîrane û 2ê temmuze de, Merkezê Kulturî yê Kugler Foundryî de do bêra kerdene

Rojnameger Yilmaz Beyazgulî pare kerd ke ey Komunê Fîlman ê Rojawanî mojnayîşê fîlman de şinasna û zaf binê tesîrê komunî de mendo. Ma pê rayîrê na festîvale wazenê xebatanê kulturelan ê Rojawanî bidê şinasnayene. Ma waştêne ke Rojawanî ra embazî tewrê festîvale bibê la dewleta Swîsre vîzê nêdaye embazan. Ma venga pêro swîsreyîjan danê ke tewrê festîvale bibê û na hişmendîya dewleta Swîsre rê cewabêkî bidê.''

Merkezê Pargînî Dêrik de 2015 de ronîyayo. Aktîvîsta Merkezê Pargînî û Endama Komunê Fîlman ê Rojawanî Sevînaze Evdikê pare kerd ke Ewropa bi çimê multecîyan ewnîyena înan ra. Sevînaze Evdikê bale ante hêrişanê îşxalî yê dewleta tirke û gefanê ci yê îşxalî ser û vat: ''Dewleta tirke Efrîn, Serêkanîyê û Girê Sipî îşxal kerdî û nika zî amadekarîya îşxalî kena. Ganî warê hewayî yê Rojawanî dewleta tirke rê bêro qefilnayene.''