Teaserê belgefîlmê bi kirdkî 'Gulê Xidirî' youtube ser de weşanîya.

Belgefîlmê 'Gula Xidirî' qala şaîr Xidir Başî keno ke qezaya Gimgimî ya Mûşî de ciwîyeno.

Eşkerayîya teaserî de wina qala belgefîlmî yena kerdene: ''Kam ke şîyo/a Gimgimî nameyê ey û eşqê ey eşnawito. O, hesretê zerrîya xo vano, qalê eşqî keno; qalê xeyalanê xo yê ke nêmecet mendê keno. Gula Xidirî kewena dimayê xeyalan, xeyalê ke teswîrê ci bi ziwanê ma ameyê kerdene.

Na proje xas bi zazakî/kirmanckî ameya afirnayene û qalê cuya Xidir Başî yo ke şaîranê kirmancan ra yew o, keno. Bi kedê serrêk ma resayê peynîya projeya xo û nika ma wazenê hîkayeyê ke welatê ma de nêmecet mendê biresnê demo nikayîn.''